Tarifat e Trump mund të godasin eksportuesit zviceranë

Keystone (AP Photo/Julia Demaree Nikhinson)

Eksportuesit zviceranë janë të shqetësuar për kërcënimet që presidenti i zgjedhur Donald Trump ka bërë për tarifat.

Zvicra eksporton më shumë produkte të gatshme në SHBA se çdo vend tjetër.

Shumë prej tyre janë me vlerë të lartë, të tilla si makineritë, orët dhe produktet farmaceutike, transmeton albinfo.ch.

Ndërsa detajet nuk dihen, analistët besojnë se tarifat mund të arrijnë nivele të papara që nga vitet 1930 – rreth 20%.

Instituti ekonomik KOF thotë se lëvizja e SHBA-së mund të shkurtojë fillimisht 0.2% nga ekonomia, por nëse mbahet – mund të rezultojë në humbjen e PBB-së prej 1%.

Një shqetësim dytësor është se BE-ja dhe Kina do të marrin masa hakmarrëse – duke rritur tarifat e tyre të importit.