Të gjithë ‘çmenden’ pas Shaqirit

Tifozët, mediat, trajnerët dhe analistët kanë vlerësuar lart debutimin e Xherdan Shaqirit

Keystone

Xherdan Shaqiri i ka impresionuar të gjithë në debutim. 45 minuta i mjaftuan për të asistuar dhe shënuar një super gol për Liverpoolin në ndeshjen debutuese ndaj Manchester United në SHBA, shkruan albinfo.ch.

Shaqiri shënoi një super gol në stilin gërshërë, duke bërë që të gjitha mediat botërore të shkruajnë për të.

Edhe tifozët e Liverpoolit janë të mahnitur nga 26-vjeçari, i cili ka lindur në Zhegër të Gjilanit.

“Ai është më i mirë se Coutinho”, ka shkruar një tifoz. “Ai është më i miri”, ka shkruar edhe një tjetër.

Trajneri gjerman i Liverpoolit, Jurgen Klopp, ka qenë edhe më i qartë. “Ajo që ka bërë Shaqiri nuk është normale. Është bashkuar me ekipin para katër ditësh. Ka pasur shumë hapësirë në sulm dhe e ka shfrytëzuar shumë mirë. Duhet të pranoj se na ka impresionuar të gjithëve”, theksoi Klopp. Goli i Shaqirit iu pëlqeu të gjithëve, madje, edhe trajnerit të Unitedit, Jose Mourinho. “Golat nga Pereira dhe Shaqiri ishin shumë të bukur”, tha portugezi.