Të huajt, më keq me shëndet se zviceranët

Po kështu, niveli arsimor ndikon në gjendjen shëndetësore, që d.m.th. se njerëzit me arsimim më të mirë gëzojnë edhe shëndet më të mirë

Zyra Federale për Shëndetësi (BAG), përmes një studimi të gjerë, ka konstatuar se të huajt me qëndrim në Zvicër qëndrojnë më keq se vendësit sa i përket gjendjes së tyre shëndetësore.

Në kuadër të studimit janë marrë parasysh gjendja shëndetësore trupore dhe psikike e të huajve dhe vendësve. BAG me këtë rast ka arritur edhe në konstatimin se niveli arsimor ndikon edhe në gjendjen shëndetësore të individit, që do të thotë se njerëzit me arsimim më të mirë gëzojnë edhe shëndet më të mirë.

Një konstatim tjetër që del nga studimi është se të huajt me qëndrim më të shkurtër Zvicër janë më mirë me shëndet në krahasim me ata që jetojnë këtu më gjatë.

Në këtë studim janë anketuar 3000 të huaj dhe të huaja nga gjashtë vende të ndryshme të botës, me qëndrim në Zvicër.