“Diskriminim i pavetëdijshëm” i të huajve në punësim në raport me shtetasit zviceranë

Gabriella Clare Marino Avatar of user Gabriella Clare Marino Gabriella Clare Marino @gabiontheroad @gabiontheroad

Rekrutuesit zviceranë diskriminojnë shtetasit e huaj, tregon një studim i ri në shkallë të gjerë.

Një analizë nga Fondacioni Kombëtar Zviceran i Shkencës tregoi se mesatarisht të huajt kishin 6.5 për qind më pak të ngjarë se shtetasit zviceranë të kontaktoheshin nga rekrutuesit për një intervistë, përcjell albinfo.ch.

“Ky diskriminim ishte veçanërisht i theksuar midis emigrantëve nga Ballkani, Afrika, Lindja e Mesme dhe Azia, të cilët shpesh duhet të luftojnë paragjykimet”, tha Daniel Kopp, një ekonomist në Institutin Zviceran për Kërkimin e Ciklit të Biznesit, i cili mori pjesë në studimin që analizoi më shumë se tre milionë vendime të marra nga rekrutuesit gjatë 10 muajve.

Ekipi hulumtues gjithashtu zbuloi se punëkërkuesit e huaj kishin më pak shanse të thirreshin për një intervistë rreth mesditës dhe vonë gjatë ditës, kur rekrutuesit zakonisht kalojnë më pak kohë duke vlerësuar CV-të.

“Ky model mbështet hipotezën se diskriminimi i pavetëdijshëm luan një rol të caktuar”, tha Kopp.

Ky nuk është studimi i parë që vë në dukje diskriminimin në praktikat e punësimit. Një hulumtim i ngjashëm i kryer në tetor të vitit 2019 zbuloi se njerëzit që nuk janë me origjinë zvicerane kanë më pak shanse për të gjetur një punë. Ky studim nga Qendra Kombëtare e Kompetencës në Kërkime, e cila analizon migracionin dhe lëvizshmërinë në Zvicër, zbuloi se emigrantët që bëhen shtetas zviceranë, por që kanë emra dukshëm të huaj ose duken me prejardhje të tjera etnike, nuk kanë të njëjtat mundësi për t’u punësuar si homologët e tyre vendas zviceranë, përcjell albinfo.ch.