E-Diaspora

Të rinjtë e huaj në Zvicër nuk e duan pasaportën zvicerane 

Gjenerata e tretë e të huajve nuk dëshiron të naturalizohet. Kjo është konstatuar nga shifrat e reja të Sekretariatit shtetëror për migrim (SEM). Vetëm 482 persona kanë përfituar deri më tani nga natyralizimi i lehtësuar.

E diel, 15 Korrik 2018 - 14:30 albinfo.ch
Keystone
25.000 fëmijë të huaj dhe adoleshentë të moshës prej 9 deri në 25-vjeçare, kanë mundur të pajisen me pasaportë zvicerane për shkak të natyralizimit më të lehtë. Por, vetëm 482 prej tyre kanë shprehur deri më tani dëshirën për te. 337 parashtresa jënë ende në shqyrtim e sipër, siç konstatohet nga shifrat e Sekretariatit shtetëror për migrim (SEM), të cilat janë në dispozicion në “SonntagsZeitung”, përcjell Albinfo.ch.
Që nga mesi i shkurtit, ka hyrë në fuqi procedura e re e aplikimit për pasaportë të gjeneratës së tretë të të huajve nën moshën 25-vjeçare. Sipas profesorit të demografisë së Gjenevës, Philippe ëanner, ka disa arsye pse pasaporta zvicerane nuk duket të jetë aq e popullarizuar për ta. Nga njëra anë, pengesat administrative dhe kostot e procedurës janë ende të larta. Nga ana tjetër, njerëzit nuk shohin ndonjë avantazh të veçantë, pasi ata kanë jetuar mirë deri tani. Përveç kësaj, për meshkujt shërbimi ushtarak luan një rol të rëndësishëm.
Nga natyralizimi i lehtësuar deri më tani kanë përfituar shumica e italianëve (255), e ndjekur nga turqit (65) dhe kosovarët (38). Mandej pasojnë 30 spanjollë dhe 17  maqedonas dhe po aq portugez. Sipas zëdhënëses së SEM Emmanuelle Jaquet, deri më tani nuk ka pasur ankesa kundër lehtësimit të natyralizimit. 21 procedura janë anuluar, sepse tarifat nuk janë paguar.
Për të përmbushur kriteret, gjenerata e tretë duhet të jetë lindur në Zvicër dhe gjithashtu njëri nga prindërit duhet të jetë lindur gjithashtu në Zvicër. Përveç kësaj, njëri nga  gjyshërit duhet të ketë fituar të drejtën e qëndrimit në Zvicër ose të ketë lindur këtu. Ka edhe rregulla të zakonshme: Të huajt duhet të flasin një gjuhë lokale, të jenë të integruar mirë dhe të respektojnë ligjin. Vitin e kaluar, gjithsej 46.040 të huaj janë natyralizuar.

 Të ngjashme

Entela Zhuta, një inxhiniere lidere në Energjetikë dhe IT

 Të tjera nga E-Diaspora

Nuk u vlerësua nga juria, por kënga e Sidrit Vokshit bëhet hit ne Austri

 E-Diaspora

 Jeta në Zvicër