Telekomi slloven i jep prioritet biznesit në Kosovë

Për Telekomin slloven, Kosova është në vendin e parë për të bërë biznes, pavarsisht Bankës Botërore që radhit Kosovën në vendin e 117-të

Biznesi i kësaj kompanie, IPKO, ka dalë të jetë më i leverdishëm në tërë rajonin, ku kjo kompani ka investuar mbi 200 milionë euro. 

Kreu i Bordit të Telekom Sllovenia, Ivica Kranjçeviq, ka thënë se pas operimeve në Slloveni, kontributi i kompanisë IPKO në Kosovë, është më i rëndësishmi për Telekom Sllovenia Group . 

Sipas tij vetëm në dhjetë muajt e parë të këtij viti ne kemi pasur 8.8 milionë euro neto fitim.

Gjatë prezantimit të të arriturave të kompanisë së tij në vitin 2011, Kranjçeviq, ka deklaruar se investimet e bëra në Kosovë, kapin shifrën prej 13.5 milionë eurosh, shkruan Koha Ditore. 

Vitin e ardhshëm sipas tij planifikohet të investohen së paku 19 milionë euro në shërbimet e telefonisë fikse dhe të televizionit digjital.