Kosova
Tensionet në Veri: KFOR-i bën thirrje për përmbajtje
Misioni paqeruajtës i NATO-s në Kosovë, KFOR, është duke bërë thirrje për përmbajtje nga pala kosovare dhe ajo serbe, në mënyrë që gjendja në veri të vendit të mos eskalojë.
Që prej ditës së enjte, kur edhe është bërë betimi i kryetarëve të rinj të zgjedhur për katër komunat veriore, protestat nga serbët lokalë nuk janë ndalur.
Përkitazi me këtë situatë aspak të qetë, KFOR-i e ka shtuar praninë e saj në këtë pjesë të vendit, duke u shprehur të gatshëm ta kryejnë punën e tyre përkitazi me mandatin e tyre.
Të ndodhur në këtë situatë, ata u bëjnë thirrje për maturi palëve të përfshira, në mënyrë që të mos nxiten tensione të tjera, shkruan Radio Evropa e Lirë.
‘’U bëjmë thirrje palëve për maturi. Komandanti i KFOR-it [Angelo Michele Ristuccia] vazhdon të jetë në kontakt të ngushtë me të gjithë bashkëbiseduesit kryesorë, përfshirë edhe përfaqësues të institucioneve të Kosovës dhe organizatave të sigurisë, Shtabin e Përgjithshëm të forcave të armatosura serbe, por edhe me misionin e BE-së për Sundim të Ligjit në Kosovë [EULEX] dhe përfaqësuesit e tjerë të komunitetit ndërkombëtar”, tha misioni i KFOR-it’’, thuhet ndër të tjera në reagimin e KFOR.
Rikujtojmë se kryetarët e zgjedhur në këto katër komuna veriore janë të gjithë shqiptarë. Kjo ndodhi më 23 prill, kur serbët paraprakisht lëshuan të gjitha institucionet dhe refuzuan të marrin pjesë në këto zgjedhje.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën