Tërmet i fuqishëm në Alaskë

Një tërmet i fuqishëm prej 5,0 magnitudë ka goditur mëngjesin e sotëm Alaskën.

Qendra e Tërmeteve në Alaska raporton se një tërmet me madhësi 5,0 magnitudë goditi Alaskën Jugore. Tërmeti u ndje nga njerëzit edhe në kryeqytet, Juneau.

Qendra thotë se tërmeti u dëgjua në orën 8:32 të mëngjesit, shkruan DailyMail, transmeton lajmi.net.

Disa banorë të Junaut raportuan në rrjetet sociale për tërmetin. Një person ka postuar në Twitter: “Junau sapo u godit nga një tërmet … Unë në fakt e ndjeva atë. Shtrati im ishte duke lëvizur”.

Ndërkohë, nuk raportohet për dëme të konsiderueshme.

Tërmeti i fundit më i madhi që goditi Alaskan ndodhi në 30 nëntor, kur një tërmet me madhësi 7.1 magnitudë goditi Anchorage, përcjell albinfo.ch.

---