Thaçi e Rama bisedojnë për hapjen e plotë të kufirit Kosovë-Shqipëri

Hashim Thaci (Facebook)

Presidenti i Kosovës, Hashim Thaçi dhe kryeministri i Shqipërisë, Edi Rama, janë takuar gjatë ditës së sotme, e një ndër temat e tyre ka qenë edhe kufiri Kosovë-Shqipëri, përcjell albinfo.ch.

Përmes një postimi në Facebook, Thaçi ka bërë të ditur se kanë biseduar edhe mundësinë e krijimit të një hapësire shqiptare pa kufi.

“Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike. Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës”, ka shkruar Thaçi, përcjell albinfo.ch.

Gjatë vizitës në Tiranë, Thaçi po ashtu është takuar me homologun e tij në Shqipëri, Ilir Metën, me ç’rast, ky i fundit ka thënë se qytetarët e Kosovës meritojnë liberalizim të vizave.