Tifozët Kuq e Zi në Zvicër ndihmojnë familjen Dauti

Kështu tifozët Kuq e Zi, janë treguar edhe një herë të mëdhenj, kësaj radhe, jo në tribuna, por duke ndihmuar këtë familje

Murat Lena nga Ladorishti i Strugës, përfaqësuesi i tifozëve Kuq e Zi në Zvicër dhe Shpëtim Brahaj, përfaqësues i tifozëve Kuq e Zi në Zvicër nga Prizreni, kanë vizituar familjen Dauti dhe 9-vjeçarin Zylal Dauti nga Frëngova, duke i dhuruar shallin Kuq e Zi dhe një shumë simbolike për t’u solidarizuar me dhembjen dhe hallin që ka familja Dauti, raporton ‘Struga Ekspres.

Fëmija është në gjendje të rëndë, kurse kjo familje kishte kërkuar ndihmë nga qytetarët e ndryshëm. Kështu tifozët Kuq e Zi, janë treguar edhe një herë të mëdhenj, kësaj radhe, jo në tribuna, por duke ndihmuar këtë familje, përcjell albinfo.ch.

Familja Dauti ka falënderuar grupin e tifozëve Kuq e Zi për kontributin e tyre. Ky grup i tifozerive edhe më herët ka marrë pjesë në aksione të ndryshme, derisa përcjell Kombëtaren shqiptare në çdo ndeshje, qoftë, si vendas, por edhe si mysafir.