Tragjedia në Tetovë, Zaev thotë se dorëheqjet shqyrtohen pas hetimeve

Keystone EPA/GEORGI LICOVSKI

Përmes një letre drejtuar opinionit, kryeministri i Maqedonisē së Veriut, Zoran Zaev, ka folur rreth dorëheqjeve të dorëzuara pas tragjedisë që ndodhi ditë më parë në qendrën për COVID-19 në Tetovë. Ai i vlerëson si akt të lartë moral dhe etik dhe demonstrim të integritetit dhe përgjegjësisë, e cila është e pashmangshme gjatë këtyre fatkeqësive të mëdha.

“Vlerësimi dhe vendimi im lidhur me dorëheqjet e paraqitura do të bazohet ekskluzivisht në faktet që marr nga hetimi, pra ekskluzivisht sipas në bazë të arsyeve të vërtetuara si shkaktarë të zjarrit. Unë pres që kjo të ndodhë së shpejti në periudhën e ardhshme, për të cilën edhe një herë apeloj te të gjitha institucionet për një hetim të shpejtë dhe të plotë. Ekziston dhe do të ketë përgjegjësi, e përcaktuar qartë në bazë të fakteve të pakundërshtueshme kriminalistike, dhe jo në bazë të llogaritjeve politike. Unë njoftoj se gjatë javës së ardhshme, në momentin e parë pasi hetimi i ekspertëve do të tregojë përparim të ri më serioz, unë do të shpalos pikëpamjet e Qeverisë bazuar në faktet e hetimit, në një konferencë për shtyp, ku do t’u përgjigjem të gjitha pyetjeve nga mediat”, thuhet në letrën e Zaevit, transmeton Albinfo.ch.