Tragjike: Katër persona vdesin në bregdetin e Vlorës

Tre persona kanë vdekur në Zvërnec, kurse një në zonën e Ujit të Ftohtë në Vlorë. Që të gjithë ishin duke bërë plazh

Tre persona kanë humbur jetën të shtunën në Zvërnec të Vlorës, kurse një në Ujin e Ftoftë në Vlorë. Që të gjithë ishin duke bërë plazh, njoftojnë mediat shqiptare, përcjell albinfo.ch.

Policia shqiptare ka identifikuar të tre personat që kanë vdekur në Zvërnec, që janë nxjerrë nga uji.

Tre personat që kanë vdekur në Zvërnec janë: Manuela Maraj, 27 vjeçe, banuese në Babicë të Madhe, Vlorë, Xhoana Cani, 25 vjeçe, banuese në Tiranë, Beniamin Ferati, 24 vjeç, banues në Tetovë, Maqedoni.

Sipas dëshmitarëve, Manuela Maraj dhe Xhoana Cani kanë hyrë në det për t’u larë, por kanë humbur ekuilibrin për shkak të dallgëve të mëdha. E ndodhur në vështirësi, 27-vjeçarja Maraj ka thirrur për ndihmë dhe drejt tyre është nisur djali nga Maqedonia. Fillimisht 24-vjeçari Ferati ka nxjerrë në breg Xhoana Canin, por kjo e fundit nuk ka mundur të mbijetojë për shkak të ujit të shumtë që kishte gëlltitur. Më pas Ferati ka hyrë sërish në det për të shpëtuar Canin, por këtë herë as ai vetë nuk ka mundur të kthehet në breg pasi dallgët e mëdha e kanë përpirë, raporton “TCH”.

Po ashtu në Vlorë gjatë mëngjesit, një 14-vjeçar ka ndërruar jetë. 14-vjeçari Endri Bejkotaraj, nga Vlora ka rrezikuar të mbytej, dhe është transportuar në gjendje të rëndë shëndetësore në spitalin e Vlorës.  Por fatkeqësisht vetëm 10 minuta më pas ndërroi spitali konfirmoi se ndërroi jetë.