Trajneri i Lillet e kritikon dhe i thur lavde Zhegrovës

Keystone (AP Photo/Michel Spingler)

Futbollisti i Kosovës, Edon Zhegrova, ishte vendimtar në fitoren e Lillet në derbi ndaj Lensit më mbrëmjen e së premtes në Ligue 1, duke realizuar dy golat e fitores, përcjell albinfo.ch.

Në lidhje me paraqitjen e futbollistit kosovar, ka folur trajneri i tij, Paulo Fonseca, duke e lavdëruar, por duke mos lënë anash edhe kritikat.

“Edoni (Zhegrova) ishte vendimtar në sulm, shënoi dy gola; Por unë mendoj se ai mund të bëjë më mirë në mbrojtje. Ndeshje të shkëlqyer ka bërë edhe Nabil (Bentaleb). Unë flas shumë me lojtarët e mi dhe në veçanti me Edonin. Duhet të arrijmë 30 metrat e fundit dhe të jemi vendimtarë. Mendoj se ai ka përparuar nga ky këndvështrim”, u shpreh Fonseca.

Lille pas fitores renditet në vendin e tretë me 46 pikë, pas 27 xhirove, me pikë të barabarta me Monacon që është në pozitën e katërt me një ndeshje më pak të zhvilluar.