Trazirat në Kongresin amerikan, 4 të vdekur dhe 52 të arrestuar

Mediat amerikane shkruajnë se katër persona kanë humbur jetën gjatë trazirave që u shkaktuan në Kongresin e Shteteve të Bashkuara të Amerikës, transmeton albinfo.ch.

Sipas policisë metropolitane të Washingtonit, gjithashtu janë arrestuar 52 persona, 47 prej tyre sepse kanë shkelur urdhrin e shtetrrethimit, bën me dije në një deklaratë për mediat shefi i policisë metropolitane të Washington, Chief Robert J. Contee.

Mësohet se dy bomba artizanale janë gjetur në kompleksin e ndërtesave rreth Kongresit në SHBA.

Shumë oficerë janë plagosur dhe të paktën një është transportuar në spital, thonë burime të shumta.

Dritaret në anën perëndimore të Senatit janë thyer dhe qindra oficerë janë grumbulluar në katin e parë të ndërtesës.

Shfaqja mahnitëse e kryengritjes ishte hera e parë që Capitoli amerikan ishte thyer që kur britanikët sulmuan dhe dogjën ndërtesën në gusht të 1814, gjatë Luftës së 1812, sipas Samuel Holliday, drejtor i bursave dhe operacioneve me Shoqërinë Historike të Kapitolit të SHBA-së.