Tre të vdekur në aksidentin në rrugën Kaçanik-Ferizaj

Në një aksident trafiku, të ndodhur sot rreth orës 00:40 minuta, në rrugën magjistrale Kaçanik-Ferizaj, kanë humbur jetën tre persona dhe një person ka pësuar lëndime të rënda trupore

Foto ilustrim

Tre persona kanë ndërruar jetë pas një aksidenti që ka ndodh mbrëmë në rrugën Kaçanik-Ferizaj, ndërsa një person tjetër ka mbetur i lënduar, njofton Klan Kosova.

Lajmin e ka konfirmuar zyra për media e Policisë në Ferizaj.

“Në një aksident trafiku, të ndodhur sot rreth orës 00:40 minuta, në rrugën magjistrale Kaçanik-Ferizaj, kanë humbur jetën tre persona dhe një person ka pësuar lëndime të rënda trupore.

Sipas raporteve të para, rasti ka ndodhur kur ngasësi i veturës Opel Astra me targa lokale (F.B  m/sh/k), duke mos e përshtatur shpejtësinë e lëvizjes kushteve të rrugës, humb kontrollin mbi automjetin duke dal nga rruga dhe duke u  përplasur në disa grumbuj dheu dhe gurësh  skaj rruge dhe duke u rrokullisur me automjetin, me ç’rast vozitësi dhe tre pasagjerët, sipas mjekëve, kishin pësuar lëndime të rënda e si pasojë, ngasësi i automjetit ka ndërruar jetë në vendin e ngjarjes, kurse tre pasagjerët janë dërguar në QKUK Prishtinë dhe pas një kohe jemi informuar se dy nga të lënduarit kanë ndërruar jetë, ndërsa pasagjeri i tretë është në mjekim intenziv”, përcjell albinfo.ch.

“Trupat e pajetë të viktimave, me urdhër të Prokurorit dërgohen në Institutin e Mjekësisë Ligjore për obduksion”, thuhet tutje në njoftim.