Trenat zviceranë do të furnizohen tërësisht me energji elektrike të rinovueshme

(KEYSTONE/Ennio Leanza)

Nga 1 janari, të gjithë trenat në Zvicër do të furnizohen me energji elektrike nga burime të rinovueshme, njoftoi të martën kompania kombëtare hekurudhore, SBB.

Pjesa më e madhe do të vijë nga hidrocentralet, ndërsa pjesa e mbetur do të jetë energji elektrike e rinovueshme e blerë në treg.

Deri më tani, 90 për qind e energjisë elektrike hekurudhore vinte nga hidrocentralet, ndërsa 10 për qind e mbetur ishte nga një aksion në energjinë bërthamore që daton që nga vitet 1970, transmeton albinfo.ch.

Megjithatë, SBB nuk do të përdorë më energjinë elektrike nga burimi i fundit, duke u mbështetur vetëm në energjinë elektrike të rinovueshme të prodhuar në Zvicër ose Evropë.

“Tranzicioni në energjinë elektrike 100 për qind të rinovueshme është pjesë e strategjisë së qëndrueshmërisë të SBB”, tha kompania. “Qëllimi është të kontribuojmë në Marrëveshjen e Parisit për Klimën dhe të përgjysmojmë emetimet e gazeve serrë deri në vitin 2030”.