Treni i ri që do të lidhë Brukselin me Venecian, udhëtarët do të kalojnë nëpër 5 shtete

pixabay

Kompania hekurudhore European Sleeper, me seli në Utrecht, Holandë, ka njoftuar një linjë të re hekurudhore nate midis Brukselit dhe Venecias, e cila do të inaugurohet më 5 shkurt 2025. Ky shërbim i ri lind nga nevoja për t’iu përgjigjur kërkesës së fortë për udhëtime të lidhura për sportet dimërore dhe destinacionet turistike urbane, duke ofruar një alternativë për ata që kërkojnë transport të rehatshëm dhe të drejtpërdrejtë hekurudhor midis Belgjikës dhe Italisë.

Treni i ri i natës do të lidhë Belgjikën me Italinë nëpërmjet Holandës, Gjermanisë dhe Austrisë, duke u ofruar udhëtarëve mundësinë për të kaluar Evropën qendrore ndërsa pushojnë në vagonat e pajisura me “Sleeper” të Evropës. Sipas njoftimit për shtyp të lëshuar nga kompania, shërbimi përfshin dy udhëtime javore në muajt shkurt dhe mars, të dizajnuara për të përkuar me pushimet shkollore dhe sezonin e dimrit, kur kërkesa për destinacionet alpine është më e lartë.

Shërbimi, i cili niset nga Brukseli në orën 17:00 me mbërritjen në Venecia të planifikuar për në orën 14:00 të ditës pasardhëse, do të ofrojë një përvojë udhëtimi të rehatshme dhe të qëndrueshme. Rruga e krikthimit, do të niset nga Venecia në orën 17:00 me mbërritjen në kryeqytetin belg në orën 11:00. Edhe pse çmimet ende nuk janë zbuluar, rezervimet do të jenë të hapura duke filluar nga 1 shtatori 2024.