Shkurt.ch

Treni japonez që lëviz 500 km në orë

Trenat japonezë që qarkullojnë me shpejtësi deri në 500 kilometra në orë kanë kaluar testin e parë.

Këta trena „aerodinamikë“ janë të njohur si trena me ngritje magnetike. Ata përdorin magnetin për t‘u ngritur mbi binarë dhe kështu shmangen fërkime dhe mundëson udhëtim shumë më të shpejtë dhe të qetë. Prodhuesit pohojnë se trenat e këtillë më pak ndotin ambientin se aeroplanët.

Pesë trena të serisë së parë kanë kaluar me sukses testin e parë. Testimi zyrtar do të fillojë në shtator, ndërsa udhëtimi i parë komercial është planifikuar më 2027.

Japonezët planifikojnë që deri më 2045 të ndërtojnë një linjë të veçantë hekurudhore që lidh Tokion me Osakan, raporton Daily Mail.

Japonia është lider në prodhimin e trenave „super të shpejtë“, por Kina është vendi i parë që ka vënë në funksion trena të shpejtë komercialë. „Shanghai Maglev“ është treni që është vënë në qarkullim në vitin 2004, dhe është duke lëvizur me një shpejtësi prej 430 kilometrash në orë. Projekti i tillë ka kushtuar 1.3 miliard dollarë.