Tri partitë, gati të qeverisin Gjermaninë, më 8 dhjetor betohet Scholz

Një ditë pas prezantimit të kabinetit qeveritar, partitë gjermane SPD, Të Gjelbërit dhe FDP nënshkruajnë zyrtarisht marrëveshjen e koalicionit për krijimin e qeverisë së re, e cila do të udhëheqë Gjermaninë në 4 vjetët e ardhshme.

Marrëveshja nënshkruhet një ditë para betimit të Olaf Scholz si kancelar i Gjermanisë.

Përpjekjet për të frenuar ndryshimet klimatike janë një përparësi kryesore për qeverinë e re, veçanërisht për të Gjelbërit.

Prioritete të tjera përfshijnë modernizimin e ekonomisë më të madhe të Evropës, futjen e politikave sociale më liberale dhe menaxhimi i pandemisë.