A do t`u kundërpërgjigjet Xhaka sonte mediave britanike?

Granit Xhaka po kalon në një periudhë të vështirë me një lumë kritikash. Kjo pasi në ndeshjen e fundit mes Arsenalit kundër Brighton, talenti kosovar kreu çdo katër minuta një pasim gabim me një saktësi vetëm prej 23 përqindësh – dhe më pas është tepër i ngadalshëm për të arritur në kohë në mbrojtje, shkruajnë një sërë mediash britanike.

Megjithatë media zvicerane “Blick” ka botuar një artikull me titull: “Arsyeja e kritikave ndaj Xhakës është Arsene Wenger”. Shefi i futbollit në “Blick”, Andreas Böni, në fund i jep kurajo Xhakës, që sonte është shansa e tij për t’ju përgjigjur gjithë këtyre kritikave.
Sonte (e enjte) në fillim me ora 19.00, në kuadër të ndeshjes së Europa-League, do takohen Arsenal-Milan. Xhaka e Mustafi do aktivizohen nga minuta e parë.