Tuneli Gotthard mbyllet në të dy drejtimet

(KEYSTONE/Gaetan Bally)

Një incident i panjohur ka ndodhur në tunelin e rrugës Gotthard pasditen e sotme, pasi u bllokua tuneli nga të dy anët. Policia kantonale Uri dhe Ticino nuk e di se çfarë po ndodh, shkruan Blick, përcjell albinfo.ch.

Përmes një postimi në Twitter, TCS ka njoftuar se tuneli do të mbetet i mbyllur në të dy drejtimet deri në një njoftim të mëtejshëm. Arsyeja e bllokimit janë “probleme teknike”.
Guido Bielmann, nga Zyra Federale e Rrugëve, ka thënë se për momentin nuk mund të japin detaje të tjera.

“Sigurisht që nuk është aksident, kështu që nuk ka të lënduar. Është një mosfunksionim teknik. Qëllimi ynë është që të jemi në gjendje të rihapim tunelin sa më shpejt të jetë e mundur. A13 dhe Gotthard Pass janë të hapura si rrugë alternative”, tha ai.

#A2 – Gotthard – Chiasso – Gotthard-Tunnel in beiden Richtungen Tunnel bis auf weiteres gesperrt, technische Probleme (Ungefähre Zeit: bis auf weiteres)

— TCS Verkehr Gotthard (@TCSGotthard) September 10, 2023