Zvicër: Turistët e huaj, përdoruesit më të shumtë të transportit publik

Vizitorët e huaj shpenzuan 6.4% më shumë në biletat e Sistemit Zviceran të Udhëtimit në vitin 2018 se sa në vitin paraprak. Shitjet u rritën në mbi 130 milionë franga (131 milionë dollarë).

2018-a është kështu viti i gjashtë rekord me radhë, thanë të martën Hekurudhat Federale Zvicerane, përcjell albinfo.ch.

Mysafirët kinezë ishin përdoruesit më të mëdhenj të huaj të transportit publik, me shitje prej 20.3 milionë franga, një rritje prej 14.9%.

Ata u pasuan nga vizitorë nga India dhe Shtetet e Bashkuara, me rritje të shitjeve respektivisht 18.1% dhe 14.9%. Udhëheqësi në vitin 2017, Koreja e Jugut ndoqi vendin e katërt, pas një rënieje në shitjet prej 8.2%, përcjell albinfo.ch.

Hekurudhat Federale thanë se një nga arsyet për suksesin e vitit të kaluar ishte  Grand Train Tour i Zvicrës. Ky “magnet turistik”, tha ai, përcjell albinfo.ch “lidh rrugët më panoramike më të bukura të vendit në një rrugë të veçantë prej 1,280 kilometrash dhe i drejton vizitorët e huaj me transport publik në pikat kryesore dhe pamjet e Zvicrës gjatë gjithë vitit”.

Sistemi Zviceran i Udhëtimit është një kompani e marketingut e themeluar në vitin 2011 nga Hekurudhat Federale Zvicerane, Zvicra Turizmi dhe pesë kompani hekurudhore turistike.