U jepet lamtumira e fundit Miradije dhe Luan Alushanit

Në varrezat e fshatit Komoran të Drenasit janë varrosur nëna Miradije dhe i biri Luani, familjarë të ish-pjesëtarit të Ushtrisë Çlirimtare të Kosovës, Imer Alushani.

Ata ndërruan jetë në orët e para të së mërkurës.

Fillimisht Luani ndërroi jetë pas një sulmi në zemër, ndërsa disa orë më vonë kishte vdekur edhe nëna e tij.

Për vdekjen e tyre gjatë ditës kanë reaguar, duke ofruar ngushllimet e tyre, krerë të institucioneve më të larta në vend si presidenti Hashim Thaçi dhe kryeministri në detyrë, Ramush Haradinaj.