Udhëtarët e linjës Shkup-Bazel përjetojnë tmerrin në qiell mbi Shkup

Sipas udhëtarëve që tashmë njohin procedurën e aterimit, aeroplani është dashur të ndërpres aterimin dhe të bëj disa xhiro rreth Shkupit për të nivelizuar aeroplanin me qëllim të aterimit me një motor, që ishte funksional

Foto ilustrim

Udhëtarët që kanë fluturuar nga Bazeli i Zvicrës për në Shkup me kompaninë e Wizzair janë përballur me probleme dhe tension gjatë aterimit.

E gjithë kjo ka ndodhur të shtunën, raportojnë mediat shqiptare të Maqedonisë.

Kjo ka ndodhur pak minuta apo në momentet e fundit të aterimit të aeroplanit në aeroportin e Shkupit, kur njëri motor i ka dal jashtë funksionit.

Lajmi më pas është konfirmuar për MIA nga Agjencia për Fluturime Civile dhe M-NAV, përcjell albinfo.ch.

Sipas udhëtarëve që tashmë njohin procedurën e aterimit, aeroplani është dashur të ndërpres aterimin dhe të bëj disa xhiro rreth Shkupit për të nivelizuar aeroplanin me qëllim të aterimit me një motor, që ishte funksional.

Më në fund të gjithë udhëtarët kanë tejkaluar tmerrin e përjetuar, pasi që kanë dëgjuar për problemin që ishte shkaktuar.