Ulrike Lunaçek lëndohet në një aksident me biçikletë

Eurodeputeja dhe ish raportuesja për Kosovën, Ulrike Lunaçek nga ky aksident ka pësuar një dëmtim të lehtë në kokë.

Sekretarja e Shtetit për Kulturë në Austri, Ulrike Lunaçek është lënduar nga një aksident me biçikletë të martën në Vjenë . Këtë e konfirmoi për shtyp zëdhënësi i saj, Heike Warmuth, raporton oe24, transmeton Albinfo Austria.

Eurodeputeja dhe ish raportuesja për Kosovën nga ky aksident ka pësuar një dëmtim të lehtë në kokë. Ajo ishte në spital dhe kishte nevojë për kujdes mjekësor.

Tani,  mikja e shqiptarëve, Ulrike Lunaçek duhet të bëj disa ditë pushim për t’u rikuperuar.

Sipas zëdhënësit të Lunaçek, 62 vjeçarja është vet përplasur dhe nuk ka pas të bëj me ndonjë palë tjetër. “Sekretarja e Shtetit është çikliste me përvojë për dekada, e cila shumë shpejt do t’i kthehet përsëri biçikletës. Deri më tani shëndeti i saj është i mirë. Asaj i duhet vetëm pak ditë për përkujdesje”, ka thënë Warmuth.

 

---