“Uragani shqiptar”, sonte në ring për titullin e botës

Tefik Bajrami ka kërkuar përkrahjen e bashkatdhetarëve shqiptarë që jetojnë në Zvicër për këtë meç shumë të rëndësishëm në karrierën e tij

Sot (e shtunë) në ring do të ngjitet boksieri shqiptar, Tefik Bajrami, i cili jeton dhe vepron në Zvicër, shkruan albinfo.ch.

Ai të premten ka zhvilluar matjen zyrtare dhe është shprehur i gatshëm për këtë duel shumë të rëndësishëm në karrierën e tij.

Ai do të ndeshet me argjentinasin Diego Javier Sanabria, në meçin për titullin e botës në versionin WBU. Meçi i tij do të zhvillohet në sallën Krauer në Kriens-Luzern.

Edhe Bajrami ka kërkuar përkrahjen e bashkatdhetarëve shqiptarë që jetojnë në Zvicër për këtë meç shumë të rëndësishëm në karrierën e tij.