Vaksinohet Kurti dhe jep mesazhin e tij për të gjithë qytetarët

FB - Unicef Programme Kosovo

Kryeministri i Kosovës, Albin Kurti, ka marrë i pari në vend vaksinën anti-COVID të AstraZenecas.

Pas marrjes së vaksinës anti-COVID, kryeministri i vendit, Albin Kurti, ka deklaruar për media se me shembullin e tij ka dashur t’i inkurajojë edhe qytetarët e tjerë që të vaksinohen dhe të heqin dilemat për vaksinat.

“Si kryeministër nuk jam këtu që ta shfrytëzoj privilegjin që të vaksinohem, por të inkurajoj të gjithë qytetarët të vaksinohen, meqenëse mbrëmë ka ardhur kontingjenti i parë i vaksinave, do të kemi edhe vaksina të tjera dhe do të përpiqemi maksimalisht që sa më shpejt dhe sa më shumë qytetarë të vaksinojmë. Me shembullin tim dua t’i inkurajoj të gjithë qytetarët të vaksinohen dhe të heqin dilemat. Vaksinimi është i nevojshëm, po përballemi me një pandemi të vështirë dhe zgjidhja përfundimtare është vaksinimi i popullsisë ”, ka deklaruar ai.

Kurti ka thënë se do të vazhdohet me vaksinimin e personelit shëndetësor, me të moshuarit e pastaj qytetarë të tjerë.