Lajme
Valon Krasniqi, luan rolin kryesor në serialin gjerman, atë të studentit shqiptar
Seriali bën fjalë për Adem Kamerin, i cili për të fituar një dhomë të lirë studenti, prezantohet në grup si Adam Kamer
Një student me prejardhje shqiptare, nga Kosova, regjistrohet në një vëllazërinë (shoqatën) e quajtur “Füxe”. Ai e bën këtë me një emër të rremë, për të marrë një dhomë të lirë, me mundësi për ta paguar, si student, transmeton albinfo.ch. Por a është vërtet shoqata aq kozmopolite sa duket të jetë?
Ky është me pak fjalë, subjekti i miniserialit “Füxe” që ka filluar të shfaqet rreth dy javë më parë në televizionin gjerman ZDF. R
Të gjesh një dhomë të përballueshme nuk është e lehtë, veçanërisht nëse quhesh Adem Kameri. Pak para fillimit të studimeve për biznes, Ademi (luajtur nga Valon Krasniqi) nuk e ka zgjidhur çështjen e banimit. Oferta e lirë për një dhomë në një shoqatë studentore, “Corps Gothia”, është shansi i tij i fundit për të gjetur strehim në kohë, shkruan serienjunkies.de. Megjithëse shoqata prezanton veten si “kozmopolite”, ai merr masa paraprake për t’u prezantuar në grup si Adam Kamer.
Dhe ja, “Adami” jo vetëm që papritmas ka një dhomë, por, ndryshe nga pritshmëritë, atij në fakt i pëlqen shoqërimi me këta të rinj shokë në vilën e madhe, me stërvitje të rregullta në sportin me shpata. Shoqata gjithashtu i jep atij qasje te “Zotëriu i vjetër” Alfons-i, përcjell albinfo.ch. Si investitor i pasurive të paluajtshme, ai duket se është pikërisht mentori i duhur për ngritjen e Ademit.
Pasi Ademi sprovohet në shërbim të Korpusit, ai pranohet si “Fux”. Por kur ai i zbulon identitetin e tij të vërtetë Vincentit, shokut të tij të besueshëm, ai futet në një intrigë për pushtet brenda Korpusit…
Në serialin që përbëhet nga katër episode aktrojnë: Roxana Samadi si Mina, Ferdinand Lehmann si Paul, Vito Sack si Vincent, Kasimir Pretzschner si Sven, Michael Schweisser si Timo, Clemens Bobke si Jens, Richard van Weyden si Alfons, Maria Wördemann si Juli, Matti Schmidt-Schaller Beni, Kasem Hoxha në rolin e Enisit dhe Elda Sorra në rolin e Medinës.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse