Lajme

Varianti britanik Covid u përhap në Zvicër në tetor

Mutacioni britanik i koronavirusit u shfaq për herë të parë në Zvicër në tetor, dy muaj më herët sesa mendohej, ka konfirmuar Zyra Federale e Shëndetit. Deri më tani 479 infeksione me variantin e koronavirusit janë regjistruar në Zvicër dhe Lihtenshtajn.

Mutacioni britanik B1.1.7, i cili besohet të jetë më infektues, por jo më i rrezikshëm se lloji fillestar, ka infektuar 281 persona, tha të mërkurën Zyra Federale e Shëndetit Publik (FOPH). Dymbëdhjetë infeksione mund t’i atribuohen variantit të Afrikës së Jugut B1.351, përcjell albinfo.ch.

Për më tepër, FOPH tha se kishte numëruar 186 infeksione të shkaktuara nga një koronavirus me një linjë mutacioni të pashpjegueshme. Zyra gjithashtu konfirmoi raportet e medias se mutacioni britanik ishte zbuluar në një mostër nga kantoni Vaud në Zvicrën Perëndimore më 26 tetor dhe raportuar më 5 janar. Deri tani autoritetet kishin supozuar një dukuri të parë të këtij varianti të virusit në fillim të dhjetorit në baza e mostrave të ujërave të ndotura.

Numri më i lartë i infeksioneve me mutacione të virusit, 109, ndodhën në kantonin Bernë, tha FOPH. Mutacionet janë të përhapura në 18 kantone dhe në Lihtenshtajnin fqinjë. Sidoqoftë, shifrat duhet të merren me kujdes, shtoi FOPH tutje, përcjell albinfo.ch.