“Varianti i ri Covid mund të bëhet dominues në Zvicër”

Keystone

Infektimet me variantin e Covid-19 janë në rritje në Zvicër, duke treguar që përhapja po fiton shpejt terren në gjithë vendin.

Pasi do të bëhet koronavirusi primar në qarkullim në shkurt, varianti mund të jetë përgjegjës për pothuajse të gjitha infeksionet në Zvicër në prill, shkruan the local.ch, përcjell albinfo.ch.

Ky ishte parashikimi i dhënë nga Patrick Mathys, shef i njësisë së menaxhimit të krizave në Zyrën Federale të Shëndetit Publik, në një konferencë shtypi të enjten.

Rastet e lidhura me variantin e ri tani përfaqësojnë midis 2 dhe 5 për qind të të gjitha mostrave në Zvicër, vuri në dukje Martin Ackermann, president i Task Forcës Covid-19, në të njëjtën konferencë shtypi të enjten. Por, varianti i ri pritet të përhapet shpejt në gjithë Zvicrën.

“Krahasimi i kthesave midis Britanisë së Madhe, Danimarkës dhe Zvicrës po tregon ngjashmëri të mëdha, kështu që ne mund të presim një rritje eksponenciale”, tha Ackermann.

Ai shtoi se “tashmë deri në shkurt, varianti i ri mund të bëhet dominues në Zvicër dhe deri në prill-maj ai mund të jetë i pranishëm në pothuajse të gjitha anët”.

Përderisa shkencëtarët nuk e dinë me siguri nëse lloji i ri do t’i përgjigjet mirë vaksinës Covid, ata besojnë se rezultati do të jetë pozitiv.

“Aktualisht, nuk ka asgjë për të sugjeruar që mutacionet që ndodhin do t’i rezistojnë efektivitetit të vaksinës”, tha Claire-Anne Siegrist, kreu i njësisë së vaksinave në spitalet universitare të Gjenevës (HUG), përcjell tutje albinfo.ch.

LAJME INTERESANTE NGA INTERNETI