Lajme

Varianti i ri i koronavirusit godet kantonin më luksoz të Zvicrës

Autoritetet shëndetësore të Zvicrës thuhet se karantinuan të hënën dy hotele dhe mbyllën kurset e skive në vendpushimin luksoz në Shën Moritz, në përpjekje për të frenuar një shpërthim të variantit të ri të koronavirusit shumë infektiv, përcjell albinfo.ch.

Thuhet se kantoni lindor i Grisons i urdhëroi të gjithë të vishnin maska në qytetin prej 5,200 banorësh që krenohet si vendlindja e sporteve moderne të dimrit.  Testimi masiv i banorëve do të fillojë të martën.

“Rreth një duzinë rastesh dihen aktualisht në dy hotele. Për të mbrojtur shëndetin e popullatës dhe të turistëve, Departamenti i Shëndetësisë ka bërë karantinën e dy hoteleve dhe ka urdhëruar teste për koronavirus për punonjësit dhe mysafirët e tyre”, thanë zyrtarët nga kantoni në një deklaratë.


LAJME INTERESANTE NGA INTERNETI