Kosova

Vazhdon aksioni për gjetjen e personave që ranë aksidentalisht në Lepenc, arrestohet një person

E diel, 18 Qershor 2023 - 14:00 albinfo.ch

Ministri i Punëve të Brendshme i Kosovës, Xhelal Sveçla, ka njoftuar se sapo është njoftuar për aksidentin e ndodhur mbrëmë në aksin rrugor Shkup – Bllacë, me ç’rast një familje nga Kosova ka rënë në lumin Lepenc, ai është nisur tek vendi ngjarjes.

“Pas koordinimit me autoritetet e Republikës së Maqedonisë së Veriut, mbrëmë kanë arritur njësitet e para profesionale të Policisë së Kosovës dhe Forcës së Sigurisë së Kosovës, të cilët kanë filluar planifikimin dhe kërkimin në rrjedhën e rrëmbyeshme të Lepencit’, shkruan Sveçla.

Aktualisht ndodhen 30 pjesëtarë të Policisë së Kosovës, Forcës së Sigurisë së Kosovës dhe vullnetarë profesionistë të kërkim-shpëtimit, të cilët në koordinim dhe bashkëveprim me ekipet profesionale të Maqedonisë së Veriut janë duke e bërë maksimumin e tyre në lokalizimin dhe nxjerrjen e personave nga lumi.

Ndërkohë Ministria e Punëve të Brendshme njoftojnë se është arrestuar personi B.B. nga Shkupi, i cili u përfshi në aksidentin e djeshëm në lumin Lepenc

Ndërsa Ministria e Jashtme e Kosovës përmes një njoftimi ka dhënë detaje nga kjo ngjarje.

“Në veturë ndodheshin katër pjesëtarë të një familjeje nga Kosova. Njëri prej tyre ka arritur të dalë nga lumi Lepenc, përderisa të tjerët janë në kërkim.
Ministria e Punëve të Jashtme dhe Diasporës, përmes procedurave të përshpejtuara ka lehtësuar dhe koordinuar kalimin e njësiteve të specializuara të kërkim-shpëtimit nga Kosova për në territorin e RMV-së, pas kërkesës së autoriteteve maqedonase”, njofton kjo ministri.

 Të tjera nga Kosova

Flet komandanti i KFOR-it, thotë se janë të gatshëm për çfarëdo kërcënimi   

 E-Diaspora

 Jeta në Zvicër