Vazhdon protesta e studentëve në Tiranë

Në ditën e dhjetë të protestës, studentët në Shqipëri janë mbledhur para ndërtesë së Kuvendit, në të cilën u diskutua edhe për protestën e tyre.

Protesta e studentëve nisi më 4 dhjetor me kërkesën kundër tarifës për provimet e prapambetura, ndërkohë që më pas ata kërkuan edhe përgjysmim të tarifës së studimit, rritje në 50% e votës për zgjedhjen e dekanëve e rektorëve, rritje të përfaqësisë së studentëve në bordin e administrimit, mbështetjen e studentëve për kërkime shkencore, mbështetjen e studentëve të doktoraturës me fonde, përmirësim i kushteve të konvikteve, dyfishim i buxhetit për arsimin e lartë si dhe pajisjen e studentëve me kartë studenti brenda vitit 2018-2019,shkruan albinfo.ch

Dhjetëra studentë kanë qëndruar edhe në mbrëmje para Kryeministrisë dhe Ministrisë së Arsimit. Një ditë më parë Lëvizja Socialiste për Integrim dorëzoi në Kuvend një kërkesë për ndryshimin e ligjit për buxhetin, që sipas saj, do t’u japë zgjidhje menjëherë kërkesave të studentëve.