Vdes një person si pasojë e aksidentit në Ferizaj

Policia thotë se ka arrestuar një person që “nga pakujdesia gjatë vozitjes e ka goditur personin mashkull K-shqiptar i cili ishte me motoçikletë”

Policia e Kosovës ka njoftuar se në Ferizaj gjatë ditës së djeshme si pasojë e një aksidenti komunikacioni ka vdekur një person.

Ky aksident raportohet se ka ndodhur në fshatin Komogllavë në orën 18:40.

Policia thotë se ka arrestuar një person që “nga pakujdesia gjatë vozitjes e ka goditur personin mashkull K-shqiptar i cili ishte me motoçikletë”.

Mjekët e ndihmës së parë kanë konstatuar në vendin e ngjarjes se viktima ka ndërruar jetë.