Vdiq legjenda gjermane e futbollit, Andreas Brehme

Zi në futbollin gjerman, ndërron jetë legjenda Andreas Brehme, kampion bote

Bota e futbollit humb një tjetër legjendë, Andreas Brehme, përcjell albinfo.ch.

Në Kupën e Botës 1990, Andreas Brehme luajti një rol kyç në fitimin e titullit. Tani ish-futbollisti ka vdekur papritur në moshën 63-vjeçare.

Partnerja e tij, Susanne Schaefer, e konfirmoi këtë të martën (më 20 shkurt 2024) në emër të familjes së tij. Siç raportojnë mediat, ai ka pësuar një atak kardiak.

Në finalen e Romës më 8 korrik 1990 Brehme shënoi golin e fitores 1-0. Me penallti në minutën e 85-të. Kundërshtari ishte Argjentina me superyllin Diego Armando Maradona (†60).

Në karrierën e tij ka luajtur për ekipe si Bayern Munich, Inter etj.

---