Veri: Plagoset rëndë polici kosovar

Bëhet e ditur se një pjesëtar i ROSU-së është plagosur rëndë nga snajperistët serbë

Në pikën doganore 31 njoftohet se ka pasur shkëmbime zjarri dhe si pasojë ka të lënduar nga Policia e Kosovës dhe nga serbët që protestonin. Bëhet e ditur se një pjesëtar i ROSU-së është plagosur rëndë, njofton telegrafi.com.

Ndërkaq, mediet raportojnë se Njësitet ROSU dhe FIT (njësiti për Intervenim të Parë), të cilët ishin nisur për në pikën 31, janë kthyer drejt Mitrovicës, pasi kanë rënë në pritë.

Burime të Telegrafit bëjnë të ditur se pas tërheqjes së Njësisë Speciale të Policisë së Kosovës, ROSU sërish është nisur në aksion, në drejtim të veriut.

Bëhet e ditur se rreth 30 automjete të Policisë janë nisur drejt pikave doganore, pasi kryetari i Leposaviqit i ka ftuar qytetarët serb që të protestojnë në pikën 1, kundër marrjes së kontrollit nga autoritetet e Kosovës.

Pas tërheqjes, ROSU është nisur nga baza e tij në Shipol të Mitrovicës për në pikat doganore.

I vetmi informacion që kanë dhënë Njësia Speciale është konfirmimi i aksionit.