Veseli i bën thirrje diasporës që të sjellin dijen e përvojën në Kosovë

Ndërsa arsye e vonesës së vizës janë ende të paqarta, mediat spekulojnë se përkeqësimi i raporteve mes Moskës dhe Londrës duket se ka ndikuar mjaft në këtë çështje

Autoritetet britanike nuk i kanë dhënë një vizë të re miliarderit rus dhe pronarit të Chelseat, Roman Abramovich, ndërsa nuk është e qartë se do t’i jepet.

Abramovich, njeriu i 12 më i pasur në Britani me një pasuri prej 9,3 miliardë dollarësh, kishte një vizë britanike biznesi që skadoi disa javë më parë, përcjell albinfo.ch.

Ai ka aplikuar për një vizë të re, por ende nuk e ka marrë. Si pasojë e mungesës së vizës ai nuk ishte i pranishëm në finalet e kupës në “Wembley” të shtunën, ku ekipit i tij Chelsea fitoi 1:0 ndaj Manchester United.

Megjithatë, sipas mediave, atij nuk i është mohuar viza, por procedura po zgjat shumë dhe askush nuk e shpjegon dot pse.

Ndërsa arsye e vonesës së vizës janë ende të paqarta, mediat spekulojnë se përkeqësimi i raporteve mes Moskës dhe Londrës duket se ka ndikuar mjaft në këtë çështje.

Javë më parë, autoritetet britanike thanë se do të rishikojnë vizat që kanë dhënë më herët për pasanikët e huaj dhe do të vendosin rast pas rasti nëse do t’i rinovojnë.