Veturat e vjetra ekspozohen në Paris  

Ekspozita “Retromobile”, e cila këtë vit shënoi vitin e saj të 43-të, solli në një vend mbi 600 vetura dhe një serë profesionistësh të industrisë në 65,000 metra katrorë

Qindra vetura të vjetra janë prezantuar në Paris duke përfshirë një veturë të rrallë në pronësi të të ndjerit Johnny Hallyday, këngëtar që njihej edhe si Elvisi i Francës.

Ekspozita “Retromobile”, e cila këtë vit shënoi vitin e saj të 43-të, solli në një vend mbi 600 vetura dhe një serë profesionistësh të industrisë në 65,000 metra katrorë hapësirë në Porte de Versailles në Paris.

Ekspozita përkon me një numër të ankandeve që do të mbahen në qytet. Shtëpia e ankandeve Sotheby është ajo që po e paraqet këtë koleksion.

Pjesa kryesore e ekspozitës është vetura e vitit 1965 Iso Grifo A3 / C më parë e zotëruar nga Johnny Hallyday, legjenda franceze e rockut që vdiq dhjetorin e shkuar. Vetura që vlerësohet në në rreth 3 milionë euro, është projektuar nga Giotto Bizzarinni, i cili bëri emër në Ferrari përpara se të vendoste të themelonte kompaninë e tij.

Shtëpia e ankandeve Artcurial po mban gjithashtu oferta për disa pjesë të rralla koleksionistësh. Ferrari FXX është super vetura më e rrallë e kompanisë i, me vetëm 38 njësi të prodhuara, njëra prej të cilave i takonte mjeshtrit të garës Michael Schumacher. E një Ferrari kabrio nga viti 1958 pritej të arrijë shumën prej 9 milionë eurove. Panairi Retromobile do të mbahet deri më 11 shkurt.