Tematike

Vini re, vitaminat mund të vrasin!

Tabletat me vitamina vrasin deri në 300 persona çdo vit në Zvicër, paralajmëron një mjek nga Berna.

Tabletat me vitamina nuk kanë efikasitet të veçantë dhe mund të jenë të rrezikshme për shëndetin.

Ju jeni i mësuar të përdorni hapa për të marrë vitamina shtesë ? Jo vetëm se ky përdorim është i kotë, por edhe mund të jetë i rrezikshëm për shëndetin tuaj.

“Deri në 300 persona vdesin çdo vit për shkak të shtojcave me vitamina, sipas disa vlerësimeve”, thotë profesor Peter Juni i Universitetit të Bernës, në një intervistë publikuar në faqen e internetit të Tages Anzeiger.

“Studimet klinike dëshmojnë se marrja e shtojcave me vitamina (vitaminë A, E dhe beta-carotene) mund të rrisë numrin e vdekjeve”, shton profesori.

Përafërsisht 26% e njerëzve përdorin si shtojcë vitamina të ndryshme, thuhet në një studim të kryer në Lozanë. “Nuk ka asnjë dëshmi se këto dieta janë të frytshme, thotë profesori, është më shumë një efekt i pastër i të menduarit magjik”.

Kanceri dhe sëmundjet kardiovaskulare

“Shtesat me përmbajtje me vitaminë E besohet se shkaktojnë sëmundje të sistemit kardiovaskular, ndërsa vitamina B duket të shkaktojë kancer”, thekson specialisti i mjekësisë, David Fäh. Por, duhet pasur parasysh se vitaminat që i marrim nëpërmjet ushqimit të përditshëm nuk janë të rrezikshme”.

Rreth 3.2 milionë pako me hapa të vitaminave janë paraqitur në raftet e dyqaneve, sipas të dhënave nga Interpharma, Shoqata e kërkimeve farmaceutike zvicerane, pavarësisht nga fakti se studimet e ndryshme theksojnë rreziqet e tyre.