Viti 2015, më i ngrohti në histori

Viti 2015 ka qenë më i ngrohti prej kur ka filluar matja sistematike e temperatuarve në botë dhe mbajtja e statistikave mbi temperaturën. Kështu kanë konstatuar shkencëtarët amerikanë të autoritetetit për hulumtime të klimes dhe të detit. Sipas tyre, temperatura mesatare në nivel të gjithe botës gjatë vitit 2015 ka qenë për 0.9 gradë celsius mbi mesataren e gjithë shekullit 20.

Deri atëherë, viti rekord me temperatura të larta ka qenë ai paraprak, 2014, i cili këtë vit është tejkaluar për 0.16 gradë.

Por që nga fillimi i matjes, e kjo ka qenë nga fundi i shekullit të nëntëmbëdhjetë, asnjë vit nuk ka qenë më i ngrohtë se ky që lamë pas, kanë deklaruar shkencëtarët. Veç kësaj, sipas tyre, asnjëherë më parë rekordi i temperaturës nuk është thyer kaq bindshëm sikur në vitin 2015.

Dhjetë nga 12 muajt e vitit që kaloi, kanë shënuar rekorde të temperaturës prej fillimit te matjes së saj.