Vjena,1.5 milion euro në stolisje për festat e fundvitit

Kryeqyteti austriak, Vjena ka filluar të marrë pamje festive. Stolisja e qytetit në prag të festave të fundvitit po bëhet dita ditës.  Më 27 nëntor, 35 rrugët kryesore të Vjenës do të marrin pamje krejt tjetër dhe do të ndizen të gjitha dritat.

Gjatë këtij viti, Vjena ka parashikuar të vendosë 190 kilometra kablo, deri 400 kilogramë llambadarë si dhe 3.2 milionë drita. Për herë të parë do të ndriçohet edhe  rruga “Ringstrasse”, 5,2 kilometra e gjatë.

Sipas Walter Ruck, kryetar i Odës Ekonomike të Vjenës, kjo po bëhet për shkak se Vjena gjendet në top 10-shen e qyteteve më të preferuara botërore. Në përgjithësi sipas tij, investimi do të bëhet nga qyteti dhe bizneset. Gjithsej shpenzimet do të kapin shumën prej rreth 1.5 milion eurove.