Vjenë: Deri në 200,000 teste falas në ditë

Keystone

Qyteti i Vjenës dhe Dhoma e Tregtisë paraqitën detaje të fushatës “Alles gurgelt”.

Duke filluar nga ditët e ardhshme, deri në 200,000 teste PCR falas do të jenë çdo ditë në dispozicion për të gjithë banorët në Vjenë.

“Është shumë e rëndësishme të lokalizojmë, aty ku njerëzit janë të infektuar”, ka thënë kryetari i Bashkisë së Vjenës, Michael Ludwig (SPÖ) në konferencën për shtyp, përcjell albinfo.at.

Qyteti i Vjenës ka bërë të mundur që të gjithë banorët e saj të vetëtestohen në shtëpitë e tyre.

Testi mund të kryhet në shtëpi, ku regjistrohet përmes aplikacionit në internet dhe funksionit të videos. Mostrat mund të dorëzohen në çdo degë të konsercionit të supërmarketëve  REWE në Vjenë: (Billa, Merkur, BIPA dhe Penny si dhe në dyqanet e pompave të derivateve si: BP-Merkur Inside, Jet-Billa Stop & Shop, Shell-Billa etj.