Lajme
Vrasësja e vogëlushit shqiptar nga Bazeli ankohet në Gjykatën Federale
E akuzuara është ankuar se avokati i saj ka kërkuar ekspertizë psikiatrike pa pasur pajtimin e saj
Një grua e moshuar, zvicerane 75 vjeçe, më 21 mars të këtij viti ka vrarë vogëlushin 7-vjeçar, shqiptar me prejardhje nga Kosova, Ilias M. Ajo është paraqitur vetë në polici, ka pranuar autorësinë e vrasjes dhe që nga dita e krimit po mbahet në burgun për hetime.
Por, së fundi, Angela N. ka bërë ankesë në shkallën më të lartë të gjyqësisë zvicerane, në Gjykatën Federale. Ajo ka kundërshtuar ekspertizën psikiatrike që i është bërë, shkruan Basler Zeitung.
Ditën e parë pas kryerjes së vrasjes, avokati i angazhuar mbi bazë zyrtare i gruas ka kërkuar që ajo t`i nënshtrohet një kontrolli psikiatrik, transmeton albinfo.ch. Ndërsa në fillim të prillit, prokuroria ka angazhuar një ekspert nga Klinika për psikiatri forensike e Universitetit të Cyrihut, që të përpilojë një ekspertizë mbi gjendjen e saj psikike. Por, kur ajo ka kuptuar për këtë ekspertizë, ka bërë një kërkesë për “pezullim të ekspertizës”.
E akuzuara me këtë rast është ankuar se avokati ka kërkuar ekspertizë pa pasur pajtimin e saj. Ndërkaq është veçanërisht interesant arsyetimi i kërkesës së saj: ajo druan se dosjet e konfiskuara për të bërë mbi bazë të tyre ekspertizën, do të përdoreshin për personin e saj dhe mund të manipuloheshin, përcjell albinfo.ch. Bëhet fjalë këtu për dokumente nga kontestet ligjore që ka pasur ajo në të kaluarën. Ajo pra ka kërkuar që këto dosje të mos përdoren pa u verifikuar më parë vërtetësia e tyre.
E akuzuara e ka bërë ankesën kundër ekspertizës psikiatrike saktësisht brenda afatit. Gjykata kompetente e apelit ka reaguar brenda tri javësh, duke e hedhur poshtë ankesën. Në aktgjykimin në fjalë të gjykatës konstatohet edhe njëherë se “gruaja e ka therrur në mënyrë të padyshimtë një nxënës të panjohur për të”, transmeton albinfo.ch. Gjykata nuk i është përgjigjur me këtë rast preokupimit të saj. “Nga njëra anë nuk është e qartë përse autoritetet e zbatimit të ligjit ose autorët e ekspertizës do të kishin interes për t`i manipuluar dokumentet. Nga ana tjetër është irelevant fakti që ajo ka kundërshtuar kërkesën e avokatit të saj për ekspertizë, pasi që prokuroria edhe pa këtë, do të kërkonte kryerjen e një ekspertize”.
Por gruaja e akuzuar për vrasje me paramendim sërish është ankuar, duke shfrytëzuar afatin prej 30 ditësh, përcjell albinfo.ch. Kësaj here në instancën më të lartë gjyqësore të vendit, në Gjykatën Federale. Kjo efundit i ka kthyer përgjigjen brenda një jave, duke hedhur poshtë ankesën në procedurë të shkurtë, për mungesë baze.
Sipas njoftimit nga prokuroria, ekspertiza e saj psikiatrike është ende në pritje.
Të ngjashme
Të tjera nga Lajme
E-Diaspora
-
Krijohet Lidhja e Mësuesve Shqiptarë në Mbretërinë e Bashkuar Mësohet se për herë të parë, në historinë e mësimdhënies së gjuhës shqipe, në Mbretërinë e...
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
-
Studentja e Kosovës punësohet në njërën nga shkollat më prestigjioze në SHBA
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë