Xhaka: Jap gjithçka për flamurin, nuk e kam refuzuar kurrë Shqipërinë

Taulant Xhaka ka reaguar, duke kaluar në kundërsulm pas ngjarjeve të fundit te Kombëtarja dhe fjalëve të Rejës në konferencën për shtyp.

Mesfushori kuqezi është shprehur se nuk e ka refuzuar kurrë Kombëtaren dhe jep gjithçka për flamurin, shkruan panorma sport.

“Nuk e kam refuzuar kurrë Shqipërinë! Unë për flamurin kuqezi kam dhënë gjithçka! Nuk është e vërtetë që kam refuzuar të vij. Jam i dëmtuar dhe kjo është arsyeja”, deklaroi Xhaka, përcjell albinfo.ch.

Kujtojmë se futbollisti nuk është paraqitur në grumbullim, për shkak të problemit muskulor.

Ishte dhe Reja ai që sqaroi situatën në konferencën për shtyp, teksa tha: “Me Xhakën kanë folur bashkëpunëtorët e mi në telefon. Ai na ka shpjeguar se në ndeshjen e fundit në Zvicër kishte marrë një dëmtim muskulor, në 10 minutat e fundit. Ai ka dashur të qëndrojë në shtëpi. Nëse një lojtar nuk ndihet në 100%, do ta lejojmë të pushojë dhe të rimëkëmbet nga ky dëmtim”.