Xhaka këndon shqip te Arsenali

Kënga që 23-vjeçari ka vendosur ta këndojë është ‘A e din sa shumë të dua’. Video është publikuar nga portieri i Arsenalit, Emiliano Martinez

https://www.youtube.com/watch?v=VvetOu3DOqE

Granit Xhaka i është bashkuar Arsenalit për përgatitjet para sezonale. Me këtë rast mesfushori shqiptar ka kënduar shqip para lojtarëve të klubit londinez, shkruan albinfo.ch.

Kënga që 23-vjeçari ka vendosur ta këndojë është ‘A e din sa shumë të dua’. Video është publikuar nga portieri i Arsenalit, Emiliano Martinez.

Ndërkohë, Xhaka ka folur edhe për lojtarët e preferuar. I pyetur se cilët ishin futbollistët që i pëlqente t’i ndiqte dhe i admironte kur ishte më i ri Xhaka u përgjigj “Mendoj që Zidane. Ai ishte një lojtar perfekt. Patrick Viera ishte këtu dhe ai është gjithashtu një legjendë, ai ishte një lojtar shumë i mirë”.

Sa i përket krahasimit që i është bërë me Bastian Schëeinsteigerin nga Ottmar Hitzfeld, Xhaka deklaroi që është një kompliment, por ai nuk është Schëeini i ri, ai është një tjetër lojtar, është Granit Xhaka.

Jack Wilshere tani beson se 23-vjeçari do të ketë ndikim të madh në Londër dhe mund t’ia sjellë sërish Arsenalit titullin e kampionit.

“Kam luajtur kundër tij në nivele të të rinjve disa herë për Anglinë dhe edhe për ekipin e parë të Anglisë, andaj e njoh mirë. Gjithmonë kam menduar se është lojtar i mirë, i fuqishëm dhe të majtë të mirë”, ka thënë anglezi për uebfaqen e Arsenalit.

“Ai është lider, mund ta mbajë mesfushën të bashkuar dhe të nisë gjërat nga prapa drejt sulmit. Është transferim i qëlluar”, ka shtuar ai.

Xhaka pritet të debutojë të enjten në duelin me yjet e ligës MLS.