E-Diaspora
Xhevahire Balaj nominohet për “Prix Courage 2018”
Lufta e Kosovës në vitet 1990, për Xhevahire Balajn ndryshoi gjithçka: Ushtarët vranë nënën e saj. Ajo kurrë nuk do ta harrojë atë ditë të kobshme.
Së bashku me një vëlla, vajza e re që sapo kishte diplomuar, arratiset në Zvicër. Ajo shumë shpejt e gjen folenë e saj në rrethinën e Bernës dhe e mëson gjermanishten. Por, mendimet dhe zemra e saj, janë në Kosovë tek ato gra dhe fëmijë që, sikurse ata, kanë përjetuar zhvendosje, humbje dhe dhunë. Viktimat e luftës të cilët jetojnë në një vend ku viktimat e dhunës seksuale janë stigmatizuar, shpesh fshihen ose refuzojnë të paraqiten.
Në Zvicër, Xhevahirja mëson se ka terapi për njerëz si ajo. Në vitin 2001, ajo më në fund kthehet në tokën e shkatërruar nga lufta, shzkruan “Beobachter”, përcjell Albinfo.ch. Tashmë, gjatë studimeve të saj të psikologjisë ajo fillon të punojë me fëmijët dhe adoleshentët e traumatizuar. Çdo vit, psikologia kthehet në Zvicër për të ndjekur kampet e paqes dhe edukimin e mëtejshëm. Që nga viti 2012, tani 39-vjeçarja ka kryesuar qendrën e parë dhe të vetme të terapisë së traumave në Kosovë.
Duhet guxim për të dëgjuar rrëfimet, me të cilat Balaj përballet çdo ditë, rrëfiimet për përdhunim, abort të detyruar dhe vdekje. Në vendlindjen e saj, atyre iu është mohuar deri më sot mbështetja financiare dhe njohja. Më e rëndësishmja për Xhevahire Balajn janë pushimet në Zvicër, ku sot jetojnë tre nga vëllezërit e motrat e saj.
Xhevahirja është nominuar nga revista e renomuar zvicerane “Beobachter” për çmimin që jepet për çdo vit në Zvicër, nga e njëjta revistë, duke filluar që nga viti 1997. Me këtë çmim shpërblehen personat që kanë bërë vepra të guximshme për të tjerët ose diçka humane.
Votoni këtu: LINK
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët