Zbrazet fshati, të gjithë duan azil

Në zonë konstatojnë se shumë shtëpi janë vënë në shitje, pasi banorët duan të ikin

Fshati Torovicë në Lezhë të Shqipërisë ka nisur të boshatiset. Dhjetëra familje kanë braktisur fshatin dhe janë larguar, duke kërkuar azil drejt vendeve të BE-së, e të tjerë po bëhen gati të ikin, transmeton “Report TV”.

Mungesa e infrastrukturës rrugore, papunësia dhe varfëria e thellë po nxit ikjen masive të banorëve të kësaj zone.

Këta të fundit thonë se e kanë humbur shpresën, ndaj e cilësojnë si të pashmangshëm këtë largim, përcjell albinfo.ch.

Në zonë konstatojnë se shumë shtëpi janë vënë në shitje, pasi banorët duan të ikin.

Torovica ndodhet 17 km larg qytetit të Lezhës, por udhëtimi është mjaft i vështirë, pasi rruga ka degraduar plotësisht, duke e bërë thuajse të pakalueshme.

Teksa largohesh nga Torovica merr me vete këto pamje të rinjsh që presin pak para për të blerë një biletë e të largohen si azilkërkues në vendet e BE-së.

---