Zjarri kaplon lindjen e Athinës, mbi 50 të vdekur

Guvernatori i provincës Attika, Rena Dourou, thirri gjendjen e jashtëzakonshme mbrëmjen e hershme, kurse ndihma me avionë priten nga Spanja, Qiproja dhe ushtria amerikane.

Foto nga terreni i Rafina - KEY

Një pjesë e portit Rafina në lindje të Athinës është thuajse e shkatërruar tërësish, pasi një zjarr i fuqishëm kaploi vendin. Mbi 50 persona kanë humbur jetën, ndërsa ka plot të tjerë të humbur, shkruan albinfo.ch.

Guvernatori i provincës Attika, Rena Dourou, thirri gjendjen e jashtëzakonshme mbrëmjen e hershme, kurse ndihma me avionë priten nga Spanja, Qiproja dhe ushtria amerikane.

Por si nisi zjarri në Athinë?

Zjarret janë një problem i përsëritur në kryeqytetin grek dhe këtë herë flakët janë ndihmuar edhe nga erërat e forta. Por zyrtarët vendas janë shprehur për AFP se mund të kenë qenë zjarrvënësit që kërkojnë të plaçkitin shtëpitë e braktisura ata që kanë nisur tragjedinë.

Ambasada e Shqipërisë shpreh ngushëllimet

Diplomacia shqiptare ka vendosur gjithashtu një kontakt për gjithë shqiptarët e zonës.

“Ambasada shqiptare në Athinë shpreh ngushëllimet e saj më të sinqerta për familjet e viktimave të zjarreve në Greqi, dhe shprehim mbështetjen tonë të plotë ndaj autoriteteve greke. Theksojmë se Ambasada është vënë menjëherë në kontakt me qytetarë shqiptarë të zonave të prekura, ndërsa i bëjmë thirrje që për çdo nevojë t’i drejtohen Ambasadës në nr. +30 6941658183”, thuhet në faqen në Facebook të Ambasadës.