Zjarri në malet e Valais ende nuk është vënë nën kontroll

Romain Boisset, Twitter

Zjarri që nisi një natë më herët në Haut-Valais nuk është ende nën kontroll për shkak të erës që është ngritur në rajon. Forcat e ndërhyrjes janë ende duke luftuar kundër zjarrit, i cili tashmë ka djegur njëqind hektarë.

Rreth 100 hektarë pyll tashmë janë djegur nga tymi, tha shefi i zjarrfikësve të rajonit të Brig, që korrespondon me një sipërfaqe prej rreth 140 fushash futbolli dhe konsiderohet zjarri më i rëndë në rajon për 12 vjet, shkruan RTS.

Gjithsej 205 banorë të Ried-Mörel, Flesche, Obere-Eichen/Bitsch dhe Oberried u evakuuan, sipas policisë kantonale.

Rreth 150 prej tyre do të mund të kthehen në shtëpitë e tyre, por banorët e Ried-Mörel janë për momentin të autorizuar të kthehen, u bë e ditur nga kreu i Komunës së Riederalp, Peter Albrecht, përcjell albinfo.ch.

Gati 200 persona, përfshirë 150 zjarrfikës, po ndihmojnë në shuarjen e zjarrit në një zonë që ishte e vështirë për t’u aksesuar. Shtatë helikopterë janë aktualisht të angazhuar në vendin e fatkeqësisë, tha menaxheri i zjarrfikësve Mario Schaller.

Operacionet do të vijojnë me shpejtësi deri në mbrëmje. Më pas, numri i makinave të përfshira do të duhet të reduktohet për arsye sigurie, shkruan RTS.

Ekipet e shpëtimit kanë porositur tashmë kamera infra të kuqe nga ushtria për të zbuluar më mirë pikat e nxehta. Ato do të përdoren në ditët në vijim.