Zvicër: 10,128 infektime dhe 62 vdekje, në 24 orë

Mesatarja e rasteve të regjistruara në 7 ditët e kaluara është 7784 ose 13 për qind më shumë se në javën e kaluar

Sipas raportit të fundit, BAG ka bërë të ditur se 10,128 infektime janë shënuar në 24 orët e fundit dhe 62 vdekje, transmeton albinfo.ch.

Virusi Korona vazhdon të përhapet në Zvicër. Sot, më 5 nëntor, Zyra Federale e Shëndetit Publik raportoi rritje rastesh të konfirmuara nga laboratori nga ditët e tjera.

Tani në Zvicër janë 202,504 infeksione të konfirmuara nga laboratori gjithsej.

Mesatarja e rasteve të regjistruara në 7 ditët e kaluara është 7784 ose 13 për qind më shumë se në javën e kaluar.

Shkalla pozitive në një mesatare 7-ditore aktualisht është 26.9 për qind. Kjo do të thotë se nga 100 teste, mesatarisht 27 teste ishin pozitive.

Numri mesatar i testeve të realizuara është 31,020 në ditë dhe kështu është rritur me 12 për qind krahasuar me javën e mëparshme.

Kantonet aktualisht raportojnë 3,336 njerëz që po trajtohen në spitale për Covid-19. Kjo është 44 për qind më shumë se në javën e kaluar.

 

---